Upendra Adhikari
नेपाल बार एशोसिएशन (नेबाए) ले सर्वोच्च अदालत प्रशासनले कायममुकायम प्रधानन्यायाधीशको आदेश समेत अवज्ञा गरेको विषयमा गम्भीर चिन्ता व्यक्त गरेको छ।
बारले प्रशासनिक पदाधिकारीहरूबाट समानान्तर न्याय प्रशासन सञ्चालन भइरहेको निष्कर्ष निकाल्दै अदालतमा न्यायको खोजीमा आउने निवेदन दर्ता गर्न इन्कार गरिएको विषयप्रति विरोध जनाएको हो।
बारले विरोध स्वरुप मंगलबार प्रर्दशनसमेत गर्ने निर्णय गरेको छ। दिउँसो १ः१५ बजे नेबाए प्राङ्गणमा ‘लालटीन बाली’ न्याय, विवेक र स्वच्छ प्रक्रियाको खोजी गर्ने कार्यक्रम तय गरेको महासचिव केदार कोइरालाले जानकारी दिए।
सांकेतिक विरोध कार्यक्रमलाई सफल पार्न सम्पूर्ण कानून व्यवसायीहरूलाई गरिमामय उपस्थितिका लागि आह्वान गरेको छ। आन्दोलनका थप कार्यक्रमहरू सल्लाहकार र एकाइहरूबाट प्राप्त सुझावका आधारमा तय गर्दै जाने जनाएको छ।
