धादिङको गल्छी चोकमा रहेको दुई ओटा पसलमा आगलागी, ५० लाख भन्दा बढीको क्षति
१७ असार २०७६, धादिङ
भगवान भण्डारी,
धादिङको गल्छी गाउँपालिका वडा नम्बर ७ गल्छि बजारको चोकमा रहेको दुई ओटा पसलमा लागलागी भएको छ । मंगलबार बिहान २ बजे लागेको आगोले गल्छि चोकमा रहेका मिठाई पसल र एक ओटा भाँडा पसलमा आगलागी भएकोे छ । प्रमोद शाह कल्वालले सञ्चालन गर्दै आएको राहुल स्विट तन्दुरी एण्ड चार्ड हाउस र बबिता कुमारी शाहले सञ्चालन गरेको नमस्ते ईन्टरप्राईजेज भाँडा पसलमा आगलागी भएकोे हो ।
आगलागीबाट मिठाई पसलमा रु १० लाख बराबरको क्षति भएको र भाँडा पसलमा ४० लाख बराबरको क्षति भएको र विद्युत सर्ट भई आगलागी भएको हुन सक्ने गल्छि प्रहरी चौकीका ईन्चार्ज चरी तामाङ्गले जानकारी दिनुभयो । धादिङ्ग जिल्लामामा जिल्ला सदरमुकाम धादिङ्गवेशीमा मात्र दमकल भएको र तत्काल दमकल बोलाइएको भएतापनि बिचबाटोमै दमकल आईपुग्दा प्रहरीले आगो नियन्त्रणमा लिएको थियो । यसरी धादिङ्गमा दमकलको अभाव रहँदा राजमार्ग तथा गाउँटोलमा आगालागी हुँदा तत्काल नियन्त्रणमा लिन समस्या हुदै आईरहेको छ ।
