प्रहरी महानिरीक्षकमा सर्वेन्द्र खनाल नियुक्त, सशस्त्रमा शैलेन्द्र
काठमाडौ, २७ चैत । नेपाल प्रहरी महानिरीक्षक (आईजीपी)मा सर्वेन्द्र खनाल नियुक्त भएका छन् भने सशस्त्र प्रहरीको महानिरीक्षकमा शैलेन्द्र खनाल नियुक्त भएका छन् ।
आज साँझ बसेको मन्त्रिपरिषदको बैठकले चैत २९ गतदेखि लागू हुने गरी प्रहरी महानिरीक्षकमा डीआईजी खनाल र सशस्त्र प्रहरी महानिरीक्षकमा खनाललाई बढुवा गरेको हो ।
आईजीपीका लागि सर्वेन्द्र खनालसँगै रमेश खरेल र पुष्कर कार्की दौडमा थिए । डीआईजी बढुवाको बरियतामा खनाल पहिलो, खरेल दोस्रो र कार्की तेस्रो नम्बरमा थिए ।
प्रहरी महानिरीक्षक प्रकाश अर्याल र सशस्त्र प्रहरी महानिरीक्षक सिंहबहादुर श्रेष्ठले ३० वर्षे सेवाअवधि पूरा गरेर बुधबारदेखि अवकाश पाउँदैछन् । महानिरीक्षक अर्यालसँगै १५ जना एआईजीहरु मंगलबारबाट पाउँदैछन् ।
