Saroj Poudel
काठमाडौँ, ७ जेठ । भारतमा कोरोना भाइरस संक्रमितको संख्या दिनप्रति दिन बढिरहेको छ । कोरोना संक्रमितको संख्या दिनप्रतिदिन बढ्न थालेसँगै मृतकको संख्या पनि दिनहुँ बढेको छ । कोरोनाका कारण हालसम्म भारतमा ३ हजार ३०२ जनाको मृत्यु भएको छ ।
मंगलबारमात्रै भारतमा कोरोनाका कारण १४६ जनाभन्दा बढीको मृत्यु भएको छ । त्यस्तै मंगलबारमात्रै ६ हजारभन्दा बढी संक्रमित फेला परेका छन् । कोरोना भाइरसका कारण थप भयावहस्थिति सिर्जना भएको छ ।
संक्रमितमध्ये ४२ हजारभन्दा बढी निको भएर घर फर्किका छन् । गम्भीर कति छन् त्यसबारे भने रिपोर्ट दिइएको छैन ।
त्यस्तै लामो समयदेखि भारतमा लकडाउनको अवस्था रहेको छ । लकडाउनका कारण भारतमा सबैभन्दा ठुलो मारमा मजदुरहरु परेका छन् । उनीहरुलाई राहत प्याकेज घोषणा गरेतापनि उनीहरुले सहज रुपमा पाउन नसकेको अधिकारीहरुले जनाएका छन् ।
घर फर्कन चाहेका उनीहरुले अवस्था थप समस्याग्रस्त भएको र यसले अर्को संकट जन्माउने अवस्था रहेको बताइएको छ ।
Upendra Adhikari
