Saroj Poudel
एजेन्सी, २८ जेठ । स्पेनिस खेलाडी राफेल नाडलले फ्रेन्च ओपन टेनिसको उपाधि जितेका छन् ।
उनले फाइनलमा अष्ट्रियाका डोमिनिक थिइमलाई ३–० को सोझो सेटमा हराउँदै करिअरको १७ औं ग्राण्डस्लाम उपाधि जितेका हुन् ।
यो उनको ११ औं फ्रेन्च ओपन उपाधि हो । फाइनलमा उनले थिइमलाई पहिलो सेटमा ६–४ ले, दोस्रो सेटमा ६–३ ले र तेस्रो सेटमा ६–२ को सहज जित हात पारे ।
नाडल सबैभन्दा धेरै ग्राण्डस्लाम जित्ने खेलाडीको सूचीको दोस्रो स्थानमा छन् । शीर्ष स्थानमा भो रोजर फेडेरर छन् । उनले २० वटा ग्राण्डस्लाम उपाधि जितेका छन् ।
