Deepa Poudel
काठमाडौं, १८ जेठ । सरकारले वीर अस्पतालको नाममा धुर्मस सुन्तली फाउण्डेशनमार्फत रकम उठाउन रोक लगाएको छ । अस्पतलाको नाममा उठाएको रकम दुरुपयोग भएको भन्दै सरकारले रोक लगाएको हो ।
सरकारले चन्दा उठाउन पनि रोकेको छ । विहीबार पत्रकार सम्मेलन गर्दै स्वास्थ्य राज्य मन्त्री पद्मा अर्यालले अब रकम नउठाउन निर्देशन दिनु भएको हो ।
तर पत्रकार सम्मेलनमा वीर अस्पताल सरसफाइ र रंगरोगनमा सक्रिय सीताराम कट्टेल धुर्मुसले अनियमितताको आरोप लगाउनेलाई प्रमाणित गर्न चुनौती दिएका छन् ।
उनले आरोप प्रमाणित भए आफू जुनसुकै सजाय भोग्न तयार रहेको बताएका छन् । भावुक हुँदै उनले उठाएको रकम एक रुपैयाँ पनि तलमाथि गरेको प्रमाणित भए त्यसको एक दिन पनि आफू यो धर्तिमा नरहने बताए ।
उनी आफू कलाकारितामा समेत सफल रहँदै गर्दा अपजश आउने सामाजिक कार्यमा सहभागी हुने चुनौती मोलेको बताए ।
उनले फाउण्डेशनमार्फत अहिलेसम्म १४ लाख ६४ हजार ८ सय ३५ रुपैयाँ संकलन भएको बताए ।
स्वास्थ्य राज्यमन्त्री पद्मा अर्यालले वैशाख २३ गते वीर अस्पतालबाट देशव्यापी सरकारी अस्पताल सरसफाई अभियानको घोषणा गरे पछि वीर अस्पतालको सफाई र रंगरोगनमा धुर्मुस जोडिएका थिए ।
Upendra Adhikari
