साना किसान कृषि प्रशिक्षार्थीहरुको साधारण भेला सम्पन्न 

 

साना किसान कृषि प्रशिक्षार्थी कार्यक्रम अन्तर्गत इजरायलमा कृषि तालिम लिएका विद्यार्थीहरुको साधारण भेला सम्पन्न भएको छ । भेलामा १० महिना लामो कृषि तालिम लिएर फर्किएका प्रशिक्षार्थीहरुको सहभागिता रहेको थियो ।

कार्यक्रममा परराष्ट्र मन्त्रालयका सहसचिव हरिशचन्द« घिमिरे, नेपालका लागी इजरायली राजदुत खनान गोडर, साना किसान विकास लघुबित्त वित्तिय संस्था लिमिटेडका नायव प्रमुख कार्यकारी अधिकृत झलेन्द्र भट्टराई लगायतको सहभागिता रहेको थियो ।

कार्यक्रममा परराष्ट्र मन्त्रालयका सहसचिव हरिशचन्द« घिमिरेले साना किसानका प्रशिक्षार्थिहरुले नेपालको कृषि क्षेत्रमा उल्लेखनिय भुमिका निर्वाह गरेको भन्दै कृषि कर्म गर्दा कुनै अप्ठ्यारो आईपरेमा आफूहरु सहजीकरणका लागी तयार रहनुभएको बताउनुभयो ।

त्यसैगरी नेपालका लागी इजरायली राजदुत खनान गोडरले कृषि रहर नभई व्यावसाय हुनुपर्नेमा जोड दिदै कृषि प्रशिक्षार्थी हरुको कामबाट आफू उत्साहित भएको बताउनुभयो ।

त्यस्तै साना किसान विकाश लघुबित्त वित्तिय संस्था लिमिटेडका नायव प्रमुख कार्यकारी अधिकृत झलेन्द्र भट्टराइले सानाकिसानका विद्यार्थीहरु थप व्यावसायी बन्दै नेपालको ग्रामिण अर्थतन्त्रमा महत्वपूर्ण योगदान गर्नुपर्नेमा जोड दिनुभयो ।

भेलाले धादिङका देवराज आचार्यको संयोजकत्वमा १३ सदस्यीय सानाकिसान भुतपुर्व विद्यार्थीहरुको राष्ट्रिय तदर्थ समिती बनाउने निर्णय गरेको छ ।