स्कूल बस दुर्घटना हुँदा २३ बालबालिकासहित २७ जनाको मृत्यु
एजेन्सी । भारतको हिमाञ्चल प्रदेशमा स्कूल बस दुर्घटना हुँदा कम्तिमा २७ जनाको मृत्यु गएको छ ।
हिमाञ्चल प्रदेशको कांगडा जिल्लाको नूरपुरको एक स्कूलको बस दुर्घटना हुँदा ज्यान गुमाउनेमा २३ जना बालबालिका रहेको पुष्टि भएको छ ।
बसमा ६० जना सवार थिए । बसका चालकको पनि ज्यान गएको छ ।
सोमबार बेलुका बस नूरपुरको मलकवा गाउँको गहिरो खोँचमा खसेको स्थानीय अधिकारीले बताएका छन् ।
यस्तै दुई शिक्षकको पनि ज्यान गएको पुष्टि भएको छ । बसमा रहेका अधिकांश बालबालिका १२ वा त्यो भन्दा मुनि उमेर भएका थिए । घाइते भएका १० बालबालिकालाई अस्पताल भर्ना गरिएको भारतीय सञ्चारमाध्यमले जनाएका छन् ।
