सन्दीप लामिछाने भोलि स्वदेश फर्कंदै
बैशाख २८, २०७६ धादिङ । नेपाली क्रिकेट खेलाडी सन्दीप लामिछाने आइतबार स्वदेश फर्कंदै छन् । इन्डियन प्रिमियर लिग आइपिएल क्रिकेटमा सहभागी भएर आइतबार दिउँसो उनी नेपाल फर्किन लागेका हुन ्। आइपिएलमा दिल्ली क्यापिटल्सको तर्फबाट खेलेका सन्दीपले यस सिजनमा ६ खेल खेलेका छन् । जसमा उनले दिल्लीका लागि ८ विकेट लिएका छन् । आइपिएलमा उनी आबद्ध दिल्ली क्यापिटल्स भने क्वालिफायर राउन्डबाट बाहिरिएको छ । आइतबार दिउँसो २ः३५ मा एयर इन्डियामार्फत उनी नेपाल आइपुग्ने क्यानका व्यवस्थापक रमन शिवाकोटीले जानकारी दिनुभयो ।
