धादिङमा थप ९ जनामा कोरोना संक्रमण पुष्टि

धादिङको नीलकण्ठ नगरपालिकाका थप ९ जनामा सोमबार कोरोना संक्रमण पुष्टि भएको छ ।

संक्रमितहरु नीलकण्ठ नगरपालिका वडा नं २ का २८, २८ वर्षीय पुरुष, वडा नं ५ का २४, २४, २९ वर्र्षीय पुरुष, वडा नं ७ का २८, ३७ वर्षीय पुरुष, वडा नं १० का २८ वर्षीय पुरुष, वडा नं १४ का ३७ वर्षीय पुरुष छन् ।

पुष्टि भएकाहरूकाे गत जेठ ३० गते स्बाब संकलन गरी पिसिआर परिक्षणका लागि पठाइएको थियो । सहिद शुक्रराज ट्रपिकल तथा सरुवा रोग अस्पताल टेकु, काठमाडौँमा गरिएको परिक्षणमा रिपोट पोजेटिभ अर्थात कोरोना संक्रमण पुष्टि भएको हो ।

यो संगै धादिङमा कोरोना संक्रमितको संख्या ९२ पुगेको छ । संक्रमित मध्ये ५ जना निको भएर घर फर्किएका छन् भने अन्य उपचाररत छन् ।

जिल्लाको नीलकण्ठ नगरपालिकाका ५१ जना, ज्वालामुखी गाउँपालिकाका २७ जना, त्रिपुरासुन्दरी गाउँपालिकाका ७ जना, सिद्धलेक गाउँपालिकाका २ जना, धुनीबेसी नगरपालिका, थाक्रे गाउँपालिका, गल्छी गाउँपालिका, गजुरी गाउँपालिका, नेत्रावती डबजोङ गाउँपालिकाका एक÷एक जना कोरोना संक्रमित छन् ।