देश विकास

धुनिबेशी नगरपालिका वडा नं ५ मा ३९० घण्टे सिलाई कटाई तालिम सुरूआत भएको छ।

धुनिबेशी नगरपालिकाको आर्थिक सहयोग तथा महिला अभियान केन्द्र काठमाडौँको प्राविधिक सहयोगमा तालिम सञ्चालन भएको हो।वडा नं ५ को मागमा आधारित सीप विकास तालिम अन्तर्गत सञ्चालित तालिममा २१ जना महिलाहरूको सहभागीता रहेको छ।हाल सञ्चालन भइरहेको आधारभूत तालिम पश्चात सहभागीहरूका लागि एडभान्स तालिम प्रदान गरिने र आवश्यक सिलाई मेसिन प्रदान गरिने वडा अध्यक्ष बिसाल भट्टराईले जानकारी दिनुभयो।
सिलाई कटाई तालिमको अनुगमनका क्रममा धुनिबेशी नगरपालिकाका प्रशासकीय अधिकृत बिनोद खनालले ग्रामीण महिलाहरूलाई सिप मार्फत आत्मनिर्भर बनाउनका लागि नगरपालिकाले विभिन्न सिपमुलक कार्यक्रम सञ्चालन गर्ने गरेको बताउनुभयो।