कृषकहरूलाइ व्यवसायिक च्याउ खेती तालिम
धादिङ : धादिङको धुनिवेशीमा ३ दिने व्यवसायिक च्याउ खेती तालिम सफलतापूर्वक सम्पन्न भएको छ।
व्यवसायिक किट विकास फार्म, धुनिवेशी धादिङको आयोजनामा साल चैत्र १५ गतेदेखि १७ गतेसम्म सञ्चालन गरिएको उक्त तालिममा विभिन्न पालिकाका कृषकहरूको उत्साहजनक सहभागिता रहेको थियो।
तालिममा कार्यालयका निमित्त प्रमुख कृषि अधिकृत राजेन्द्र रुपाखेती सहित प्राविधिकहरू विना हायु र अस्मिता वरालले कन्ये च्याउ, गोब्रे च्याउ, सिताके च्याउ तथा दुधे च्याउ खेती सम्बन्धी सैद्धान्तिक तथा व्यवहारिक कक्षा सञ्चालन गर्नु भएको थियो।
तालिममा धुनिवेशी नगरपालिका, थाक्रे गाउँपालिका, गल्छी गाउँपालिका र गजुरी गाउँपालिकाका गरी १६ जना कृषकहरूको सहभागिता रहेको थियो। सहभागी कृषकहरूलाई तालिमपछि कार्यालयले कन्ये च्याउको बीउ निःशुल्क वितरण गरेको जनाएको छ।
यस तालिमले कृषकहरूलाई व्यवसायिक च्याउ खेतीतर्फ आकर्षित गर्दै आयआर्जनमा टेवा पुर्याउने विश्वास गरिएको आयोजकले जनाएको छ।
