भोलीदेखि एसइई परीक्षा, ५ लाखभन्दा बढी विद्यार्थी सहभागी
प्रतिनिधिसभा सदस्य निर्वाचनका कारण गत वर्षको तुलनामा परीक्षा १२ दिन ढिलो गरी सञ्चालन हुन लागेको हो । गत वर्ष चैत ७ गतेदेखि सुरु भएको परीक्षा यस वर्ष चैत १९ देखि २९ गतेसम्म हरेक दिन बिहान ८ बजेदेखि सञ्चालन हुने भएका छन् ।
राष्ट्रिय परीक्षा बोर्डका अनुसार यस वर्ष कुल ५ लाख १० हजार विद्यार्थी एसइईमा सहभागी भईरहेको छ ।
गत वर्षको तुलनामा करिब ४ हजार परीक्षार्थी घटेको हो ।
सहभागी मध्ये २ लाख ५७ हजार ५२७ छात्रा र २ लाख ५२ हजार ४३४ छात्र सहभागी भईरहेको छ भने ६३ हजार विद्यार्थी एक्जाम्टेड तर्फ सहभागी रहेका छन् । साथै, जापानबाट २३ जना विद्यार्थीले पनि यस वर्ष एसइई दिने तयारीमा रहेको जनाइएको छ ।
परीक्षा सञ्चालनका लागि देशभर १ हजार ९९१ परीक्षा केन्द्र निर्धारण गरिएको छ । प्रश्नपत्र र उत्तर पुस्तिका सबै ७७ जिल्लामा सुरक्षित रूपमा पुर्याइसकिएको छ । परीक्षा शान्तिपूर्ण र व्यवस्थित बनाउन नेपाल प्रहरीले देशभर करिब १२ हजार ५ सय सुरक्षाकर्मी परिचालन गर्ने जनाएइएको छ ।
