देश विकास

काठमाडौं । विश्व नेवा संगठनले शताब्दीपुरुष सत्यमोहन जोशी, नेवा आन्दोलनका अग्रज पदमरत्न तुलाधर र संस्थाका संरक्षक मानिकलाल श्रेष्ठलाई सम्मान गरेको छ ।
शुक्रबार राजधानीमा प्रथम विश्व नेवा दिवसको अवसरमा गरिएको कार्यक्रममा उहाँहरुलाई विश्व नेवा संगठनका केन्द्रीय अपाध्यक्ष सिजन श्रेष्ठले सम्मान गर्नु भएको हो । भोलि शनिबारसम्म चल्ने कार्यक्रममा विभिन्न देशबाट आएका नेवार समुदायका व्यक्तिले कार्यपत्र पेस गर्नेछन् । विभिन्न देशमा छरिएर बसेका नेवारहरुलाई एकै ठाउँमा भेला गर्ने उद्देश्यले कार्यक्रम आयोजना गरिएको हो । हरेक वर्षको मार्च अन्तिम शनिबार विश्व नेवा दिवस मनाउने घोषणा अनुसार नेपालमा दुई दिने कार्यक्रम सुरु भएको हो ।