दोस्रो महादेवबेशी पर्यटन तथा औद्योगिक व्यापार महोत्सव सुरु ।
महादेवबेशी । धादिङको थाक्रे गाउपालिका वडा नं. ६ र ११ मा रहेको महादेवबेशीमा बजारमा दोस्रो महादेवबेशी पर्यटन तथा औद्योगिक व्यापार महोत्सव सुरुभएको छ । उज्यालो भविष्य महिला समुहको आयोजना तथा थाक्रे युवा सामाजको सह आयोजनामा महोत्सव आयोजना गरिएको हो । महोत्सवमा महिलाहरुले पञ्चेबाजा बजाएर सबैको ध्यान केन्द्रीत गरेका थियो । महिलाहरुल पञ्चेबाजा बजाएर महादेबेशी बजार परिक्रमा गरी महोत्सवमा उद्घाटन स्थल प्रवेश गरीएको थियो । प्रदेश ३ का आन्तरीक मामिला तथा कानुन मन्त्री शालीकराम जमकटेलले उद्घाटन गर्नु भएको मेला यहि २२ गते सम्म चल्ने छ ।
मेलाको उद्घाटन गर्दै आन्तरिक मामिला तथा कानुन मन्त्री शालिकराम जमकटेलले उद्योग ब्यबसाय र आर्थिक कारोवारको रुपमा आन्तरिक पर्यटन प्रबद्र्धन गर्न महोत्सवले सहयोग पुग्ने बताउनुभयो । उहाँले सिमित उदेश्यले सुरु गरिएको महोत्सवमा आफु तथा समग्र पार्टी सहयोग गर्न प्रतिबद्ध हरेको भन्दै सफलताको शुभकामना दिनुभयो ।
महोत्सव आयोजक समितिका अध्यक्ष तारा थापाको अध्यक्षतामा भएको कार्यक्रममा धुनिबेशी नगरपालिकाका प्रमेख बाल कृष्ण आचार्य, नेकपा नेता नेत्र राज पौडेल, कृष्ण पन्त, दिपक लामिछाने,विजय बुर्लाकोटी, उद्योग वाणिज्य संघका अध्यक्ष, विभिन्न प्रायोजक तथा सह प्रायोजकका प्रतिनिधि, सुरक्षा निकायका प्रमुख तथा प्रतिनिधि महिला समुह तथा युवा समाजका व्यति, पत्रकार लगायतको सहभागिता रहेको थियो । महोत्सवमा औद्योगिक व्यापार सँग सम्बन्धित स्टलहरु सहित १ सय १५ स्टल रहेका छन् । स्थानिय प्रतिभा प्रदर्शन, बालउद्यान तथा रमाइलो मेलाका खेल सामाग्रीहरु, उँट , मयुरको नाच मुख्य आकर्षणका रुपमा रहेका छन् । राष्ट्रिय ख्याति प्राप्त कलाकारहरुको विशेष प्रस्तुती र विभिन्न भेषभुषाका झाँकी प्रदर्शन हुने आयोजकले जनाएको छ । मेलाका लागि बजार पनि सजावट गरिएको छ ।
