Krishi Bihani
१८ जेष्ठ २०७८, मंगलबार ।
रसुवागढी नाकाबाट १ हजार ५ सय वटा अक्सिजन सिलिन्डरको भित्रिएको छ । चीन सरकारले अनुदानमा दिएकामध्ये १ हजार ५ सय वटा सिलिन्डर आएको हो । गएको ७ गते बेइजिङबाट हिँडेका चिनियाँ गाडी आज नेपाल भित्रिएका हुन् । रसुवा भन्सार कार्यालयका प्रमुख भन्सार अधिकृत रामप्रसाद रेग्मीका अनुसार चार वटा चिनियाँ गाडीले अक्सिजन सिलिन्डर र एन नाइन्टी फाइभ मास्क ल्याएका छन् । ५ लाख २७ हजार ५ सय थान एन नाइन्टी फाइभ मास्क आयात भएको कार्यालयले जनाएको छ ।
चीनबाट आएका स्वास्थ्य सामग्री स्वास्थ्य कार्यालय रसुवाका प्रमुख वसन्त चालिसेले बुझ्नुभएको छ । यी सामग्री आज नै स्वास्थ्य मन्त्रालयमा पठाइने उहाँले बताउनु भएको छ । यो नाका हुँदै अन्य सामग्री पनि चिनियाँ गाडीले नै ल्याउने गरेका छन् । केही हप्ता अघिदेखि दैनिक ८ वटा चिनियाँ गाडीले सामान आयात गरिरहेका छन् ।
Upendra Adhikari
