लकडाउन : के खुल्यो, के खुलेन ?

काठमाडौं, २९ जेठ । सरकारले लकडाउनलाई खुकुलो बनाएको छ । बुधबार बसेको मन्त्रिपरिषद बैठकको निर्णयहरु सार्वजनिक गर्न विहीबार सञ्चार मन्त्रालयले आयोजना गरेको पत्रकार सम्मेलनमा यो जानकारी दिइएको हो ।

-सबै प्रकारका ढुवानी सेवा सुचारु गरिने,

-निजी सवारी साधनमा जोर विजोर प्रणाली लागू गरिने,

-होटेलहरु क्वारेन्टाइनका लागि मात्र खुला गर्ने,

-भिडभाड नगरी आवागमन खुला गरिने,

-मोटरसाइकलमा एकजना मात्रै यात्रा गर्न पाइने,

-एउटा चारपाङ्ग्रे सवारीमा दुई जना मात्र यात्रा गर्न पाइने,

– रेष्टुरेन्टबाट खानेकुरा प्याकेटमा लिन पाइने,
– अनुमति पाएका बाहेक शैक्षिक संस्थाहरु सञ्चालन नगरिने,

-निजी क्षेत्रबाट सञ्चालित विकास आयोजना निर्वाधरुपमा सञ्चालन गरिने,

-कार्यालयहरु भिडभाड नगरी दुई सिफ्टमा सञ्चालन गर्ने, कार्यालय समय बिहान ८ बजेदेखि बेलुकी ६ बजेसम्म, कर्मचारीलाई २ सिफ्टमा काम

-सबै सरकारी तथा गैरसरकारी संस्था, शिक्षण संस्था (पठनपाठन कार्य बाहेक), निजी तथा सार्वजनिक संस्थाहरु समेतका कार्यालयहरु २ सिफ्टमा सञ्चालन गर्ने